सुरक्षा सेवा खरिद सम्बन्धी सिलबन्दी प्रस्ताव आह्वान सूचना (मितिः २०७६।०६।०२)
चलचित्र विकास बोर्डको चाबहिलस्थित कार्यालय भवनको लागि २४ सै घण्टा २ जनाले सुरक्षा सेवा उपलब्ध गराउनु पर्ने भएकोले ईच्छुक इजाजत प्राप्त सेक्युरिटी सर्भिसहरुबाट निम्न शर्तहरुको अधिनमा रही रित पूर्वकको सिलबन्दी प्रस्ताव पेश गर्न यो १५ दिने सूचना आव्हान गरिन्छ ।
शर्तहरुः–
१. आ.ब. २०७५।७६ का लागि नवीकरण गरेको कम्पनी दर्ता प्रमाणपत्र वा फर्मदर्ता प्रमाण पत्र, मुल्यअभिवूृद्धि कर र प्यानमा दर्ता भएको प्रमाणपत्र र आ.ब.२०७४।७५ सम्मको कर चुक्ता गरेको प्रमाणपत्रहरुकोे प्रमाणित प्रतिलिपि, कुनै कारवाहीमा नपरेको स्वयं घोषणा र सुरक्षा सेवा दिरहेको विवरण संलग्न गरी निवेदनमा रु.१०।– को टिकट टाँसी यो सूचना प्रकाशित मितिले १५ दिनभित्र कार्यालय समयसम्म प्रस्ताव पेश गर्नुपर्नेछ ।
२. प्रस्ताव फाराम सिलबन्दी गरी प्रथम पटक सूचना प्रकाशित भएको मितिले १६ औं दिनको १२ः०० बजे भित्र यस बोर्डको कार्यालयमा दर्ता गराइसक्नुपर्ने छ । सोही दिनको १४ः०० बजे दर्ता भएका सिलबन्दी प्रस्तावपत्रहरु यस कार्यालयमा उपस्थित प्रस्तावदाता वा निजको प्रतिनिधी र कार्यालय प्रतिनिधिहरुको रोहबरमा खोलिने छ । उक्त समयमा प्रस्तावदाता वा निजको प्रतिनिधी उपस्थित नभए पनि सिलबन्दी प्रस्तावपत्र खोल्न वाधा पर्ने छैन ।
३. सिलबन्दी प्रस्ताव पेश गर्दा प्रचलित कानुन बमोजिम तोकिएको न्यूनतम पारिश्रमिकमा नघट्ने गरी मासिक रुपमा के कति दर रेटमा २४ सै घण्टा सेक्युरिटी गार्डमा खटाउन सकिन्छ सो को दररेट अंक र अक्षरमा स्पष्ट बुझिने गरि लेखिएको हुनु पर्नेछ । यदि अंक र अक्षरमा फरक परेमा अक्षरलाई मान्यता दिइने छ । केरमेट भएमा केरमेट भएको ठाउँमा सही छाप भएको हुनुपर्ने छ ।
४. सिलबन्दी प्रस्ताव दर्ता गर्ने अन्तिम दिन सार्वजनिक विदा परेमा त्यसको लगत्तै कार्यालय खुलेको दिन सोही समयमा सिलबन्दी प्रस्ताव दर्ता गराउनु पर्नेछ ।
५. सिलबन्दी प्रस्ताव सम्बन्धी कागजात पेश गर्दा खाममा स्पष्टसँग कार्यालयको नाम, कामको विवरण, सुरक्षा सेवा उपलब्ध गराईरहेको विवरण तथा प्रस्तावदाताको नाम, ठेगाना समेत संलग्न गरिएको हुनुपर्ने छ ।
६. कुनै शर्त राखेको, कैफियत जनाएको, म्याद नाघेको वा रित नपुगी पेश हुन आएको प्रस्ताव उपर कुनै कारवाही गरिने छैन ।
७. प्राप्त प्रस्ताव स्वीकृत गर्ने, नगर्ने सम्पूर्ण अधिकार यस कार्यालयमा सुरक्षित रहने छ ।
८. सुरक्षाको लागि पठाइने सेक्युरिटी गार्डहरु सुरक्षा सम्बन्धी तालिम लिएको हुनुपर्ने छ ।
९. प्रचलित नियमानुसारको रकम कट्टा गरी भुक्तानी दिईनेछ ।
१०. यस सम्बन्धमा अन्य कुनै कुरा बुझ्नु परेमा कार्यालय समयमा सम्पर्क राख्न सकिने छ ।