मिनी सभाकक्षको स्तरोन्नति सम्बन्धी सिलबन्दी दरभाउपत्र आह्वानको सूचना (२०७६।०९।१५)
चलचित्र विकास बोर्डकोे मिनि सभाकक्ष स्तरोन्नतिको लागि आवश्यक पर्ने उपकरण खरिद तथा जडान गर्ने कार्य सिलबन्दी दरभाउपत्रद्वारा गर्नुपर्ने भएको हुँदा इच्छुक कम्पनी वा फर्महरुबाट निम्न शर्तहरुको अधीनमा रहीे यो सिलबन्दी दरभाउपत्र आह्वान गरिन्छ । अन्य आवश्यक जानकारीका लागि बोर्डको लेखा शाखा वा फोन नं. ०१४८१२३८७ मा सम्पर्क गर्न सकिनेछ ।
शर्तहरुः–
१. आ.व. २०७६।७७ का लागि नवीकरण गरेको कम्पनी दर्ता प्रमाणपत्र वा फर्म दर्ता प्रमाण पत्र, मूल्य अभिवृद्धि कर र प्यानमा दर्ता भएको प्रमाणपत्र र आ.व. २०७५।७६ सम्मको कर चुक्ता गरेको प्रमाणपत्रहरुकोे प्रमाणित प्रतिलिपि संलग्न गरी निवेदनमा रु. १०।– को टिकट टाँसी रु. १०००।– (पछि फिर्ता नहुने गरी) बुझाएको नगदी रसिद संलग्न गरी यो सूचना प्रकाशित मितिले १५ दिनभित्र कार्यालय समयसम्म दरभाउपत्र फारम चलचित्र विकास बोर्डको कार्यालयबाट खरिद गर्न सकिनेछ ।
२. खरिद गरेको दरभाउपत्र फारम प्रथम पटक सूचना प्रकाशित भएकोे मितिले १६औं दिनको १२ः०० बजेभित्र खाममा सिलबन्दी गरी खाम बाहिर कामको नाम खुलाई यस बोर्डको कार्यालयमा दर्ता गराउनु पर्नेछ । रीतपूर्वक पर्न आएको सिलबन्दी दरभाउपत्रहरु सोही दिन दिनको ०२ः०० बजे दरभाउपत्रदाता वा निजको प्रतिनिधि र कार्यालय प्रतिनिधिको रोहबरमा यस बोर्डको कार्यालयमा खोलिनेछ । साथै दरभाउपत्रदाता वा निजको प्रतिनिधि उपस्थित नभएमा पनि सिलबन्दी दरभाउपत्र खोल्न कुनै बाधा पर्ने छैन ।
३. दरभाउपत्र सम्बन्धी कागजात खरिद तथा दाखिला गर्ने अन्तिम दिन विदा परे विदा पछि कार्यालय खुलेको दिन सोही समयमा उक्त कार्यहरु गरिनेछ ।
४. सिलबन्दी दरभाउपत्र साथ बिडबन्ड वापत रु.५०,५००।– यस बोर्डको चाबहिलस्थित एभरेष्ट बैंक लिमिटेडको धरौटी खाता नं. ०१८००१०५२००६१४ मा दाखिला गरेकोे सक्कल बैंक भौचर वा “क” वर्गको मान्यता प्राप्त वाणिज्य बैंकबाट बोर्डको नाममा जारी गरेको दरभाउपत्र पेश गर्ने अन्तिम मितिबाट कम्तिमा ७५ दिन म्याद भएको बैंक ग्यारेन्टी पेश गर्नु पर्नेछ ।
५. दरभाउपत्र दाताले दरभाउपत्रमा अंक र अक्षर प्रष्टसँग लेख्नु पर्नेछ । अंक र अक्षरमा लेखेको फरक परेमा अक्षरमा लेखिएकोलाई मान्यता दिइने छ ।
६. दरभाउपत्र स्वीकृत गर्ने, आंशिक स्वीकृत गर्ने वा कुनै कारण नजनाइकन अस्वीकृत गर्ने सम्पूर्ण अधिकार यस बोर्डमा सुरक्षित रहने छ ।
७. दरभाउपत्र सम्बन्धी प्रत्येक पानामा दरभाउपत्रदाताले दस्तखत गरी फर्मको छाप लगाउनु पर्नेछ ।
८. रीत नपुगी र म्याद नाघी आएको दरभाउपत्र उपर कुनै कारबाही हुने छैन ।
९. अन्य आवश्यक कुराहरु बोर्डको कार्यालयबाट जानकारी प्राप्त गर्न सकिने छ ।
१०. दरभाउपत्र मान्य हुने अवधि ४५ दिनसम्म हुनेछ ।
११. दरभाउपत्र सम्बन्धी मूल्याङ्कनका आधारहरु दरभाउपत्र पुस्तिकामा उल्लेख भए अनुसार हुनेछ ।
१२. सूचनामा उल्लेख नभएका कुराको हकमा सार्वजनिक खरिद ऐन, २०६३ तथा सार्वजनिक खरिद नियमावली, २०६४ अनुसार हुनेछ ।
ठेक्का नंः– FDB/G/SQ/01/076/77
